அமீரகத்தில் கவிக்கோ அப்துல் ரகுமானுடன் கவிதைக் கூடல்


கவிக்கோ அப்துல்ரகுமான் பங்கேற்கும் கவிதைக்கூடல்


அன்பு நண்பர்களே!


அமீரகத் தமிழ் கவிஞர்கள் பேரவை சார்பாக கவிக்கோ ''அப்துல் ரகுமான்'' பங்கேற்கும் கவிதைக்கூடல் நிகழ்ச்சி நாளை மாலை கராமா சிவ்ஸ்டார் பவனில் நடைபெறுகிறது. அமீரகத்தில் இருக்கும் அனைத்து தமிழன்பர்களும் பங்கேற்கும்படி அமீரகத் தமிழ் கவிஞர்கள் பேரவையின் சார்பாக உங்களை அன்போடு அழைக்கிறேன்.



இடம்: சிவ்ஸ்டார் பவன்

நேரம்: மாலை 7.30 மணி


தொடர்புக்கு

முத்துகுமரன் 050 -6243115; கவிமதி: 050-5823764

இசாக்: 050-4804113, பரத் :050-6536125


அன்புடன்

முத்துகுமரன்

நடிகர் M.N. நம்பியார் மரணம்


பிரபல திரைப்பட நடிகர் M.N. நம்பியார் இன்று மதியம் மரணம் அடைந்தார்.

அன்னாரின் மறைவுக்கு ஆழ்ந்த அனுதாபங்கள். நிஜ வாழ்க்கையில் கதாநாயகனாக வாழ்ந்த அவருக்கு அஞ்சலிகள்

இறையாண்மை

குண்டுகள் இடு!
கொலைகள் செய்!
வன்புணர்!
யோனிகள் சிதை!
வாழ்விடங்கள் தகர்!
சவக்குழிகள் பயிரிடு!
மனிதநேயம் நிர்வாணமாக்கு!
பட்டியலிடு, இறந்த குழந்தைகளையும் தீவிரவாதிகளாக்கி!
எல்லாம் செய்!
அரசாக!
அரசாக!
எம்
தமிழன் விழிக்காதவரை

உன் இறைமைக்கு
உத்திரவாதம் கொடுக்கவும்,
கட்டிக் காக்கவும்,
கூடவும் ஆசிகளோடும்
சிரித்துக் கொண்டிருப்பர்,
காந்தி தேசத்து அகிம்சை ராமர்கள்!

பயணம்

விரவிக் கிடக்கும் ஒலித்திரளினூடாக பயணித்தாலும்
மெளனத்தோடு
இதயக்குழியில் உள்ளடங்கி
உதிர்த்திடாத வார்த்தைகளுக்குள்
உயிர் கொண்டிருக்கிறது
எனது கவிதைகள்
யாரும் மொழிபெயர்த்திட இயலாதவாறு

முடிவுறாத் தனிமை

அருகாமையற்றதின் வலியின் கீறலில்
தொலைவின் நீளத்தை தீடிரென உணர்ந்து கொள்கிறது
இறுக்கம் கொண்ட மனது
பிறர் பார்வை மறைக்க
சலனமற்ற முகமூடியணிந்து மறைந்து கொள்கிறது வெறுமை
சொற்ப கணங்களே நீடித்தாலும்
எதன் காரணம் என்றறிய இயலாது
தாளவியலா அழுத்தத்தை தந்துவிட்டுப் போகிறது
முடிவுறாத் தனிமை

தர்மம்

சாதிக் கட்சிகளை ஒழிக்க வேண்டும்
பேசுபவன்
THE HINDU

சித்தப்பூ ஆகிட்டேன்....

















நான் சித்ப்ப்ப்ப்ப்ப்ப்ப்ப்ப்ப்ப்ப்ப்பூ ஆகிட்ட்டேன்ன்ன்ன்ன்ன்ன்ன்ன்ன்ன்ன்ன்ன்ன்ன்ன்ன்ன்ன்.

இப்புவியில் உதித்திருக்கும் எங்கள் அடுத்த தலைமுறை ''தலைமகனுக்கு''

உங்கள் அன்பையும் ஆசிகளையும்

வேண்டி



இனிப்புகளுடன்

முத்துகுமரன்


அன்புடன் அழைக்கிறேன்




வணக்கம்,
அன்பு நண்பர்களே! அமீரகத் தமிழ்க் கவிஞர் பேரவையின் சார்பாக, நண்பனின் ''விரியக் காத்திருக்கும் உள்வெளி'' மற்றும் ''மு.முத்துகுமரனின் உயிர்த்துளி'' கவிதை நூல்கள் வெளியீட்டு விழா வருகின்ற 18.04.2008 அன்று மாலை 6 மணி அளவில் துபாய் கராமாவில் எஜுஸ்கேன் பயிற்சி மையத்தில் மக்கள் பாவலர், புரட்சிபாவலர் இன்குலாப் அவர்களால் வெளியிடப்பட இருக்கிறது.

அனைவரும் தவறாது கலந்து கொள்ளும்படி என் சார்பாகவும், தோழர்களின் சார்பாகவும் அன்போடு அழைக்கிறேன்.




உன் மடியுறங்கும்

நினைவு தடுமாறிக்கோண்டிருக்கும்
இத்தருணத்தில் கூட
எனக்களித்த உன் முதல் பாடலில்
என்னை மீட்டுக் கொள்கிறேன்
உனக்கு பிடிக்காத செய்கைகள் இதுவெனினும்
என்னை இழந்திடாது
காத்துக் கிடக்கிறேன்
உன் மடியுறங்கும்
நொடிக்காக

சுமையினோடு

தோல்வியாகவே முடிகிறது
வார்த்தைகளாக உருமாற்ற முனைந்த
உரையாடல்களற்ற தருணங்களில்
பிரிவின் சுமையினோடு
வெறுமையாகிப் படர்ந்த
தவிப்புகள்

தாயாகவே...

கருவறையில் சுமக்கவுமில்லை,
உயிர்ப் பால் உதிரமும் கொடுக்கவில்லை!
அன்னை வயதுக்குரிய இடைவெளியுமில்லை.
ஆராவரங்களின்றி நொறுங்கிக் கிடக்கின்றன
எல்லா வரையறைகளும்,
இலக்கணங்களும்!
எந்தவித உரிமை எல்லைகளுக்குள்ளும்
சிக்குப்படாதிருக்கிறது உன் அன்பு!

எனக்குள் நீயிருக்கிறாய்,

என் இரண்டாவது..,

இல்லை

தாயாகவே!!

மரணங்கள்

நிகழ்ந்து கொண்டேதான் இருக்கின்றன மரணங்கள்
உணர்தலின் தொலைவிற்கேற்ப
துயரின் அதிர்வுகள்

மனதில்,

எந்தவித சலனங்களையும் ஏற்படுத்திடாது,
நம்மைச் சுற்றி கேட்பாராற்று கிடக்கிறது
கவனிக்கபடாத மரணங்கள்
வாழ்தலின் போது உயிர் சுமந்த மதிப்பிற்கான
விலைப்பட்டியலோடு அல்லது
விதிக்கப்பட்ட பாவப்பட்டியல்களோடு
மண்ணிற்குள் மறைகின்றன சவங்கள்
மீட்டெடுக்கபடாமலே கிடக்கிறது
மரணங்களுக்குப் பின்னும் சமத்துவம்!

ரசித்ததற்காக, தோழமைக்காக, உணர்வுக்காக, உறவுக்கானதென
கவனமாக தரம் பிரிக்கபடுகின்றன

உதிர்க்கப்பட்ட கண்ணீர்த்துளிகள்

சில நேரம் துரோகமென்றெழைக்கப்படினும்
விடைபெற்ற உயிர்க்கான
மெளனத்தில் எஞ்சியிருக்கிறது
அடையாளங்களைக் கடந்த
மனிதம்

பொய்களற்று



பாம்புச் சட்டையைப் போல உரித்துப் போட்டாலும்
திரும்ப திரும்ப முளைத்துவிடுகின்றன
சந்தேகமாக இருக்கிறது
உடல் போர்த்தியிருப்பது தோல்களா?

பொய்களாவென?

பதிந்துவிட்ட முகமுடிகளை
முகமென தக்க வைக்க சில பொய்கள்
அந்தரங்கத்தின் எல்லாப் பகிர்தல்களைத் தாண்டியும்
பிரத்யோகமாக தங்கிவிடும் பொய்கள்.


விழுக்காடுகளுக்கு ஏற்ப உலவுகின்றன
படுத்துறங்கும் மெத்தையை போலவும்,
தூக்கம் பறிக்கும் மூட்டைப் பூச்சிகளாக
பொய்கள்.


உயிரற்று இருப்பதைக் காட்டிலும்
கடினமாக இருக்கிறது
பொய்களற்று வாழ்வது!

உனக்கொரு பெயர்



உனக்கொரு பெயர் இருக்கிறதோ!!
எனக்கு தெரியவில்லை இதுவரை
அம்மா என்பதை தவிர

நீ தீண்டாத என் உயிர்


விவரிப்புகளில் அடங்கிவிடாத வலியோடு அழுத்துகிறது மனதை
புதிதாக வரையப்பட்ட எல்லைக்கோடு
இமைகளை மூட விடாது அச்சமூட்டுகிறது
விலக்கி வைக்கப்பட்டதான மாயபிம்பம்
தடுக்கவியலாது நடந்துவிடுகிறது உயிர்வதை
பெயர் மாற்றி உச்சரித்த கணங்களில்
பாதுகாப்பகவே வைக்கப்பட்டாலும்
அந்நியமாகவே மிதக்கிறது கண்ணாடி கூடுக்குள்
நீ தீண்டாத என் உயிர்

துபாயில் தோழர் இசாக்கின் குறும்படம் திரையிடல் நிகழ்ச்சி.

இரண்டாம் கருவறை, காதலாகி, மழை ஓய்ந்த நேரம். மெளனங்களின் நிழற்குடை போன்ற கவிதை தொகுப்புகளின் ஆசிரியரும், துவக்கு இலக்கிய அமைப்பு, அமீரகத்தமிழ்கவிஞர் பேரவையின் ஒருங்கிணைப்பாளருமான தோழர் இசாக்கின் '' ஒரு குடியின் பயணம்'' குறும்படம் திரையிடல் நிகழ்ச்சி வரும் வெள்ளிக்கிழமை 04.01.2008 அன்று மாலை 5.30 மணி அளவில் துபாய் கராமாவிலுள்ள ''சிவ் ஸ்டார்'' உணவகத்தில் திரையிடப்பட இருக்கிறது. நண்பர்கள், ஆர்வலர்கள் அனைவரும் கலந்து கொண்டு விழாவினா சிறப்பிக்கும் படி கேட்டுக் கொள்கிறேன்.

''குறும்பட திரையிடல் மற்றும் குறுந்தகடு வெளியிடல் அழைப்பிதழ்''



இசாக்கின் ஒரு குடியின் பயணம் குறும்படம் திரையிடல்,

அன்பிற்கினிய நண்பர்களே
மிக நீண்ட இடைவெளிக்கு பிறகு சந்திக்கும் வாய்ப்பு வாய்த்திருக்கிறது.
ஆம்.. எனது குறும்படமான ஒரு குடியின் பயணம் திரையிட உள்ளோம் துபாயில்.
இந்த சூழலில் இப்படம் உருவாக துணை நின்ற நண்பர்களை நன்றியோடு நினைக்கிறேன்.

ஒளிப்பதிவாளர் நண்பர் கவின், படத்தொகுப்பாளர் பா. அரிகோபி, இசையாளர் ரசினி, தயாரிப்பில் துணை நின்ற வ.ச.சுரேசு குமார் என அனைத்து உறவுகளுக்கும் என் அன்பு நன்றி.

அமீரகத்தில் வசிக்கும் நண்பர்கள் அவசியம் கலந்துக்கொண்டு ஊக்கமளியுங்கள்.

இசாக்கின்
ஒரு குடியின்
பயணம்
குறும்படம் திரையிடல்,குறுந்தகடு வெளியிடல்.

நாள்: 04-01-2008 வெள்ளிக்கிழமை, மாலை 5.30 மணி
இடம்: சிவ் ஸ்டார் உணவகம்- கராமா, துபாய்

அனைத்து தோழர்களும் நண்பர்ளுடன் பங்கேற்று சிறப்பிக்க வேண்டுகிறோம்.

அன்புடன்
துவக்கு இலக்கிய அமைப்பு
தாய்மண் வாசகர் வட்டம்
050 5823764- 050 7763653
Related Posts with Thumbnails

Modified by Blogger Tutorial

முத்துகுமரன் ©Template Nice Blue. Modified by Indian Monsters. Original created by http://ourblogtemplates.com Blogger Styles

TOP